據韓媒報導，韓國警方對演員劉亞仁使用過嘅藥品進行咗精密鑑定，尿檢顯示大麻檢測結果呈陽性，而早前提及多次服用嘅限制藥品異丙酚檢測反而係陰性。
大麻成分從體內完全排出需要 7 至 10 日嘅時間，而家可以認定劉亞仁近排都有食用大麻，而異丙酚成分嘅排出只需要 3 日左右，所以難以通過尿檢確認，最精準嘅毛髮檢測仍然進行當中，結果最快會喺今個月尾完成。
根據南韓相關法律規定，吸食大麻製品，將會被處以 5 年以下有期徒刑或 5000 萬韓元（約 31.14 萬港紙）以內嘅罰款，同埋南韓演藝經理人管理協會都設有監督機構，將會對吸毒藝人做出相應處罰，例如封殺，但無統一嘅標準。
另外，大麻檢測呈陽性後，韓國警方即時扣押劉亞仁手機，進行數位鑑識工作，預計將會喺手機中尋找與本案相關證據與訊息，因此劉亞仁目前與外界處於完全失聯的狀態。
Editor : @ingmathild
#劉亞仁
———————————
⚠️ GMAG HK ⚠️
《呢度賣廣告，你睇到其他人都會睇到 》
廣告或宣傳合作詳情
請聯絡：gm@gmag.hk