Q：新歌《為咗錢》創作靈感
JB：《為咗錢》嘅創作靈感源自於自己同身邊朋友嘅經歷，生活上有好多事都係要解決錢先可以做到，的確係好殘酷同唔開心，所以想寫首歌去支持佢哋，同時想表達有好多開心同快感係同錢無關。
――――――――――――――――――――
Q：首次個人演唱會《我要玩演唱會》
JB：嚟緊11月2號會搞第一次個人演唱會，以往嘅 Show 都係做嘉賓，所以今次自己搞，參與成分多好多，無論係舞台設計、海報設計，所有部分都會參與。同埋想呈現多啲自己一直以嚟接觸嘅嘢俾大家睇，包括跳舞、Rap、或者係成班Friend一齊玩嘅畫面呈現俾大家睇，希望大家會期待。
――――――――――――――――――――
Q：跳舞同 RAP ( 二選一 )
JB：跳舞，但音樂係所有，跳舞需要音樂。而我聽到音樂，第一時間係身體俾反應先，所以一定係跳舞。
――――――――――――――――――――
Q：最近最愛穿搭單品？
JB：之前一直都會戴頭巾，最近就鐘意戴唔同類型嘅頭巾，大細都會戴。
――――――――――――――――――――
Q：你經常會戴帽，點解鍾意呢樣單品？
JB：一直以嚟我鐘意嘅 Rapper 都會戴帽，戴帽絕對會影響到成個穿搭，如果一個穿搭突然之間換左頂帽，個感覺會唔同晒，所以帽對我嚟講都幾重要。
重點係懶得整頭，哈哈。
――――――――――――――――――――
Q：曾經講過唔想藝術同金錢有瓜葛，而家全職做音樂？怕唔怕改變原有諗法？
JB：全職做音樂唔代表我改變諗法，我依然做到金錢同音樂冇瓜葛，因為做到最後，主要嘅收入來源都唔係音樂。反而係我繼續做好自己嘅音樂，Money Will Follow，選擇做全職唔係因為呢樣野搵到錢，而係有好多野做既時候，正職同音樂帶嚟衝突。 <br> 如果要放棄正職或音樂，我一定放棄正職揀音樂。講真，金錢層面嚟講返正職同而家做音樂冇乜分別，只係我可以做自己鐘意做嘅嘢去生活。
――――――――――――――――――――
Q：如果有客人出高價要求你做自己唔鐘意嘅作品，得唔得？
JB：唔做，錢搵唔晒，唔得就去第二度搵，如果要我做唔鐘意嘅嘢，其實咪同打工一樣。
――――――――――――――――――――
Q：點睇 WHATS GOOD MUSIC AWARD？
JB：我覺得喺香港係一個好好嘅現象，因為有好多人都喺自己建立既圈子玩，我覺得可以令多啲人一齊參與呢個頒獎禮，無論係素人定係玩咗好耐嘅人，都可以從音樂角度參與，同埋提供一個方向俾素人，令佢哋可以朝住呢個方向去努力。
――――――――――――――――――――
Q：留意到你近排開始塗鴉，點解會接觸？
嚟緊都會想接觸多啲，想識多啲呢個圈子嘅朋友，接觸既原因係我本身都鐘意畫嘢，但冇乜太大方向，最近我跳舞班朋友又開始玩塗鴉，佢哋喺 Studio練習嘅時候，被佢哋吸引咗，到依家都接觸咗大半年，好投入做呢件事。
鐘意塗鴉嘅感覺，只要肯練，就會好明顯見到進步，令我感受到成功感。
――――――――――――――――――――
Q：你為咗錢既底線？
我為咗錢嘅底線係尊重同埋愛。因為能夠令我放低底線嘅嘢只有愛，而我界定底線係基於尊重。
你呢，你地為咗錢既底線又係咩呢？
#GMAG封面人物 #十月 #JB
October Feature @jiggie_boy
Director @galaxyman
Stylist @cklot @galaxyman
Photographer @c.tszon @kizerot
Videographer @hermanhim
Make up @karmenkwok
Interview @keung.jai
Styling assistant @yuenyan.c
Wardrobe :
@prada @maisonmargiela @soph_co_ltd
@undefeatedinc @carharttwip @adidashk @newerahk @originalgoldsmith
――――――――――――――――――――
想睇更多 Gmagazine 最新潮流資訊！？
► Follow IG: @gmagazine.hk [ https://instagram.com/gmagazine.hk ]
► Subscribe Youtube: GMAG HK [ https://youtube.com/c/GMAGHK ]